Seasons

Seasons

seasons

seasons

Seasons

Seasons

Seasons…

Seasons…

Thanks for visiting WWW.SALIN.IN

Kerala Paddy Land and Wet Land Act 2008-How to find Conversion of Paddy Land Using Geoinformatics Techniques (Malayalam)

നെൽവയൽ തണ്ണീർത്തടസംരക്ഷണത്തിനായി ഉപഗ്രഹ സാങ്കേതിക വിദ്യ

സലിൻ തപസി & നിസാം എസ്., Agricultural Officers

IT  ഡിവിഷൻ, ഡയറക്ടറേറ്റ് ഓഫ് അഗ്രിക്കൾച്ചർ ഡവലപ്മെന്റ് & ഫാർമേർസ് വെൽഫയർ

  • 2008 ലെ കേരള നെൽവയൽ തണ്ണീർത്തട സംരക്ഷണ അക്ട് പ്രകാരം നിലവിലുണ്ടായിരുന്ന കൃഷിയോഗ്യമായ നെൽവയലുകളുടേയും തണ്ണീർത്തടങ്ങളുടേയും ഡേറ്റാബാങ്ക് തയ്യാറാക്കുകയും പലരും ഗസറ്റിൽ പ്രസിദ്ധീകരിക്കുകയും ചെയ്യുകയുണ്ടായി. എങ്കിലും ഇതുസംബന്ധിച്ച നിരന്തരമായ തർക്കങ്ങൾ സ്ഥലപരിവർത്തനങ്ങൾ, നിലം നികത്തലുകളും തുടർന്നുള്ള പരാതികൾ എന്നിവ പല കൃഷിഓഫീസർമാരുടെയും ഉറക്കം കെടുത്തുകയും സമാധാനം നശിപ്പിക്കുകയും ദൈനംദിന പ്രവർത്തനങ്ങൾക്കുള്ള ഭൂരിപക്ഷം സമയം അപഹരിക്കുകയും ചെയ്യുന്നു. എന്നാൽ ഉപഗ്രഹ സാങ്കേതികവിദ്യയുടെ സഹായത്തോടെ (GPS – Global Positioning System, GIS – Geographical Information System എന്നിവ ഉപയോഗിച്ച്) വളരെ ശാസ്ത്രീയമായി ഭൂമിയിൽ വന്ന മാറ്റങ്ങൾ അപഗ്രഥിക്കുവാൻ സാധിക്കും. കമ്പ്യൂട്ടർ ഉപയോഗിക്കുന്നതിൽ സാമാന്യ പ്രാവീണ്യവും ഇന്റർനെറ്റ് കണക്ഷനോടുകൂടിയ കമ്പ്യൂട്ടറുമുള്ള ആർക്കും ഇക്കാര്യങ്ങൾ അപഗ്രഥിക്കാൻ ഇന്ന് നിലവിലുള്ള വിവര സാങ്കേതികവിദ്യ അവസരമൊരുക്കുന്നുണ്ട്. ഇതിന് സഹായകമാകുന്ന വിവരങ്ങൾ ചുവടെ ചേർക്കുന്നു.

    1. നിലം നികത്തൽ, തരംമാറ്റൽ, നീർത്തടം നശിപ്പിക്കൽ എന്നിവ ശ്രദ്ധയിൽപ്പെട്ടാൽ സ്ഥലം സന്ദർശിക്കുമ്പോൾ എന്തു ചെയ്യണം?

  1. സന്ദർശന സമയത്ത് സ്ഥലത്തിന്റെ ഒരു സ്കെച്ച് തയ്യാറാക്കുവാൻ ശ്രദ്ധിക്കുക. സ്കെച്ചിൽ സ്ഥലത്തിന്റെ ദിശ (North, South, East, West) അടയാളപ്പെടുത്തുക

  2. സ്കെച്ചിന്റെ അതിർത്തികളിലെ രേഖാംശം- Longitude, അക്ഷാംശം- Latitude എന്നിവ മൊബൈൽ ഫോണിൽ GPS  ആപ്ലിക്കേഷനുകൾ ഉപയോഗിച്ച് രേഖപ്പെടുത്തുക. (Eg. GPS Essentials)  ഇതിനായി ഉപയോഗിക്കുന്ന മൊബൈൽ ഫോൺ ഉപഗ്രഹ സിഗ്നലുകളെ അടിസ്ഥാനമാക്കി GPS/GLONASS/BDS എന്നിവയിൽ   പ്രവർത്തിക്കുന്നതാണ് എന്ന് ഉറപ്പാക്കുക. GSMARENA  എന്ന വെബ്സൈറ്റിൽ ഫോണിന്റെ പേരും മോഡൽ നമ്പരും നൽകിയാൽ ഇക്കാര്യങ്ങൾ അറിയാവുന്നതാണ്.

  3. പ്ലോട്ടിന്റെ അതിർത്തിയിലുള്ള സ്ഥലത്തിന്റെ ഉടമസ്ഥരുടെ പേരു വിവരങ്ങൾ അവിടുത്തെ കാർഷിക വിളകൾ എന്നിവ രേഖപ്പെടുത്തുക.

  4. പ്ലോട്ടിലെയും അടുത്തുള്ള പ്ലോട്ടുകളിലെയും ജലാശയങ്ങൾ- കുളങ്ങൾ, പുഴ,തോട്, പാലം തുടങ്ങിയ Landmark കളുടെ വിവരങ്ങൾ രേഖപ്പെടുത്തുക.

  5. പ്ലോട്ടിന്റെ 1 km ചുറ്റളവിലുള്ള റോഡുകൾ, വലിയ കെട്ടിടങ്ങൾ തുടങ്ങിയവയുടെ വിവരങ്ങൾ ഉൾപ്പെടുത്തുക. ഇത്തരം വിവരങ്ങൾ വിവിധ മാപ്പുകളിൽ സ്ഥലനിർണ്ണയത്തിന് വളരെയധികം സഹായിക്കും.

  6. Land Use Pattern, Basic Data- District, Taluk, Village, Block Name, Block No – തണ്ടപ്പേരു നമ്പർ , Survey No, Area of the Plot

    2. സ്ഥലസന്ദർശനത്തിനുശേഷം എന്തു ചെയ്യണം?‌

വില്ലേജ് ഓഫീസറിൽ നിന്നോ, പരാതിക്കാരായ കർഷകരിൽ നിന്നോ പ്രസ്ത്തുത സ്ഥലത്തിന്റെ (FMB- Field Measurement Book) മാപ്പ് ലഭ്യമാക്കുകയും District, Taluk, Village, Block Name, Block No – തണ്ടപ്പേരു നമ്പർ , Survey No, Area, അതിർത്തികളിലെ രേഖാംശം- Longitude, അക്ഷാംശം- Latitude തുടങ്ങിയ വിശദവിവരങ്ങൾ മനസ്സിലാക്കുകയും ചെയ്യുക.

3. കൃഷിഓഫീസർക്ക് ഒരു സ്ഥലത്തിന്റെ 2008 നു മുമ്പോ ശേഷമോ ഉള്ള സ്ഥലപരിവർത്തനങ്ങൾ എങ്ങനെ മനസ്സിലാക്കാം?

സ്ഥല പരിവർത്തനത്തിന്റെ വിശദവിവരങ്ങൾ മനസ്സിലാക്കുന്നതിന് താഴെപ്പറയുന്ന മാർഗ്ഗങ്ങൾ അവലംബിക്കാവുന്നതാണ്.

A)ഗൂഗിൾ എർത്ത്

  • നിങ്ങളുടെ കമ്പ്യൂട്ടർ, ലാപ്‌ടോപ്പ് എന്നിവയിൽ http://earth.google.com എന്ന സൈറ്റിൽ നിന്ന് ഗൂഗിൾ എർത്ത് ഡൗൺലോഡ് ചെയ്ത് ഇൻസ്റ്റാൾ ചെയ്യുക. Desktop ൽ shortcut  ഇൻസ്റ്റാൾ ചെയ്യുക.

  • ഗൂഗിൾ എർത്തിന്റെ സ്ക്രീനിൽ കാണിച്ചിട്ടുള്ള ഗ്ലോബിൽ ഇന്ത്യയുടെ മാപ്പിൽ നിന്നും ക്ലിക്ക് ചെയ്ത്  കേരളത്തിന്റെ മാപ്പിൽ നിന്ന് കൃത്യമായി പ്രശ്ന സാധ്യത സ്ഥലം Zoom In    ചെയ്ത് കണ്ടെത്തുക.  (Zoom In  –  കൈപ്പത്തി സിഗ്നൽ ലൊക്കേഷനിൽ വച്ച് മൗസ് വീൽ മുന്നോട്ട് കറക്കി അടുത്ത് കാണാം.   Zoom Out കൈപ്പത്തി സിഗ്നൽ ലൊക്കേഷനിൽ വച്ച് മൗസ് വീൽ പുറകോട്ട് കറക്കി ലഭിക്കുന്ന  Panning കൈപ്പത്തി സിഗ്നൽ ലൊക്കേഷനിൽ വച്ച് മൗസിൽ ലെഫ്റ്റ് ക്ലിക്ക് അമർത്തി  imagery തിരിക്കാവുന്നതാണ്.)

  • സ്ഥലത്തിന്റെ view വിവിധരൂപത്തിൽ  Zoom  ചെയ്തും  Pan ചെയ്തും ചുറ്റുവട്ടമുളള വിളകൾ മനസ്സിലാക്കുക.  ഉദാഹരണമായി cursor  വയ്ക്കുന്ന സ്ഥലത്തിന്റെ  Latitude അക്ഷാംശം (Eg. 80 24’85 N) Longitude രേഖാംശം (Eg. 770 01ട 37.02 ‘E)    ഉന്നതി  (Elevation) സമുദ്രനിരപ്പിൽ നിന്ന് (Eg. 24m) എന്നിവ ഇതിൽ ലഭ്യമാണ്.

  • പ്രശ്നബാധിത പ്രദേശം കണ്ടെത്തുന്നതിന് ഫീൽഡ് പരിശോധനാസമയത്ത് രേഖപ്പെടുത്തിയിട്ടുള്ള അക്ഷാംശരേഖാംശങ്ങൾ ഗൂഗിൾ എർത്തിൽ മുകളിൽ ഇടത് ഭാഗത്തുള്ള സെർച്ച് ബോക്സിൽ നൽകാവുന്നതാണ്.

കൃത്യമായ സ്ഥല നിർണ്ണയത്തിനു ശേഷം  North align  ചെയ്യുക – ഇതിനായി keyboard ൽ ‘N’ അമർത്തുക.

സ്ഥലത്തിന്റെ പരിവർത്തനം അറിയുന്നതിന് Show historical imagery സെലക്ട് ചെയ്ത്  (ക്ലോക്കിൽ ഇടത്തോട്ട് വച്ച ആരോ ബട്ടൺ) ക്ലിക്ക് ചെയ്യുമ്പോൾ മുകളിൽ time scale  വരുന്നതാണ്.  അതിൽ ഗൂഗിൾ എർത്തിൽ നിലവിലുള്ള ഡാറ്റയുടെ വർഷങ്ങൾ കാണിക്കുന്നതാണ്. ടൈം സ്കെയിലിൽ ഓരോ വർഷവും ഈ സ്ഥലത്തിന് വന്ന മാറ്റങ്ങൾ അറിയാവുന്നതും സ്ഥലം പരിവർത്തനം നടന്ന കാലാവധി ഇതിൽ നിന്നും സത്യസന്ധമായി കണ്ടെത്താവുന്നതുമാണ്. സാധാരണയായി കേരളത്തിലെ പ്രദേശങ്ങളുടെ 2003 മുതലുള്ള historical data ഗൂഗിൾ എർത്തിൽ ലഭ്യമാണ്.

പ്രധാന പരിവർത്തനങ്ങൾ നടന്നിട്ടുള്ള വർഷങ്ങൾ ഈ സ്കെയിലിൽ വരകളായി പ്രത്യക്ഷപ്പെടുന്നതാണ്. ഇതിലെ  Front Arrow, Back Arrow  എന്നിവ ക്ലിക്ക് ചെയ്ത് ഈ സ്ഥലത്ത് ഈകാലപരിധിയിൽ വന്ന മാറ്റങ്ങൾ അറിയാവുന്നതാണ്. നിലം നികത്തൽ, കെട്ടിടം, കാർഷികവിളകളുടെ തരം മാറ്റൽ എന്നിവ അറിയുവാൻ സാധിക്കും.

Click Here to View  Land Conversion / Change Detection -Example Using Google Earth Imagery

B) Bhuvan Panchayat എന്ന WebGIS  ഉപയോഗിച്ച്

National Remote Sensing Centre ന്റെ  Bhuvan Panchayat    www.bhuvan-panchayat.nrsc.gov.in   എന്ന സൈറ്റിൽ പ്രവേശിക്കുക.   Longitude, Latitude    സർവ്വേനമ്പർ ഉൾപ്പെടുന്ന പ്ലോട്ട്  എന്നിവ ഉപയോഗിച്ച് സ്ഥലത്തിന്റെ വിശദവിവരങ്ങൾ മനസ്സിലാക്കാവുന്നതാണ്. കഡസ്ട്രൽ മാപ്പ് അക്ഷാംശ രേഖാംശങ്ങളോടെ ലഭ്യമാണ് എന്നതാണ് ഭുവൻ പഞ്ചായത്ത് ബെബ് ജി.ഐ എസിന്റെ പ്രത്യേകത. ഈ വിവരങ്ങൾ ഗൂഗിൾ എർത്തിൽ കൃത്യമായി സ്ഥല നിർണ്ണയത്തിന് ഉപയോഗിക്കാവുന്നതാണ്.

C) കേരള ലാൻഡ് യൂസ് ബോർഡിന്റെ സൈറ്റിൽ സ്ഥലത്തിന്റെ പരിമിതമായ വിവരങ്ങൾ ലഭിക്കുന്നതാണ്. http://kslublris.com എന്ന സൈറ്റിൽ webGIS ക്ലിക്ക് ചെയ്ത്  Enter LRIS  ക്ലിക്ക് ചെയ്ത്  District, Block എന്നിവ സെലക്ട് ചെയ്ത്  watershed, pond, water body, Crops, Paddy converted  എന്നിവയുടെ വിവരങ്ങൾ  അറിയാവുന്നതാണ്.

#  Bhuvan Panchayat, kslublris.com  എന്നിവയിൽ നോക്കി കൂടുതൽ വിവരങ്ങൾ ലഭിച്ചശേഷം A)  യിൽ പറഞ്ഞിട്ടുള്ള Google Earth ലെ  historical time scale  ആവർത്തിച്ചാൽ കൂടുതൽ കൃത്യതയോടെ വിവരങ്ങൾ മനസ്സിലാക്കുവാൻ സാധിക്കും

# Google Earthൽ നിന്നും ലഭിക്കുന്ന വിവരങ്ങൾ യഥാർത്ഥമാണെങ്കിലും  National Remote Sensing Agency, Cartosat, Insat  എന്നിവയുടെ വിശദവിവരങ്ങൾ ചേർക്കാത്ത തെള‌ിവുകൾക്ക് ഇന്ത്യയിലെ കോടതികളിൽ സ്വീകാര്യത കുറവാണ്. എന്നാൽ ഇന്ത്യാകേന്ദ്രീകൃതമായ ഈ വിവരങ്ങൾ കൂടി ഉൾപ്പെടുത്തി ഗൂഗിൾ മാപ്പിൽ ആധികാരികമായി സ്ഥലപരിവർത്തനം ശാസ്ത്രീയമായി തെളിയിക്കാവുന്നതാണ്.

4) ഒരു സ്ഥലത്തെ Land conversion  ആധികാരികമായി തെളിയിക്കുന്നതിനും കോടതികളിൽ ശാസ്ത്രീയ തെളിവായി നൽകുന്നതിനും എന്തു ചെയ്യണം?

Kerala State Remote Sensing & Environment Centre,  വികാസ്ഭവൻ തിരുവനന്തപുരമാണ് കേരളത്തിൽ ശാസ്ത്രീയമായി  Modern Geoinformatics Techniques  ഉപയോഗിച്ച് ഇത് തെളിയിക്കുന്നതിന് പരിചയമുള്ള സ്ഥാപനം.  ഈ സേവനങ്ങൾക്കായി ഫീസ് നൽകേണ്ടിവരുമെങ്കിലും ഇവർ നൽകുന്ന റിപ്പോർട്ട് കോടതികളിൽ ശാസ്ത്രീയ തെളിവായി സ്വീകരിക്കുന്നതാണ്. ഇതിനായി റിപ്പോർട്ട് ആവശ്യമായ സ്ഥലത്തിന്റെ താഴെപറയുന്ന വിവരങ്ങൾ – District, Taluk, Village, Block Name, Block No – തണ്ടപ്പേരു നമ്പർ , Survey No, Area,  സ്ഥലത്തിന്റെ വില്ലേജ് ഓഫീസിൽ നിന്നും ലഭിക്കുന്ന Cadastral Map  രൂപത്തിലുള്ള  FMB(Field Measurement Book) , Sketch –  പ്രധാന point കളുടെ Longitude, Latitude  എന്നിവ ചേർത്ത് നിശ്ചിത ഫീസ് നൽകിയാൽ കോടതിയിൽ നൽകാനുള്ള ശാസ്ത്രീയ റിപ്പോർട്ട് , True Site Map , FMB, Satellite Data, Survey of India Toposheet, Cartosat data യിലെ  Site Map, change  ന്റെ  വിവിധ  image കൾ, അപഗ്രഥനം എന്നിവ ഉൾപ്പെടുത്തി നൽകുന്നതാണ്. ഈ റിപ്പോർട്ടിനായി താഴെപറയുന്ന വിലാസത്തിൽ ബന്ധപ്പെടാവുന്നതാണ്.

Sri. S. Jane Mithra

Scientist

Kerala State Remote Sensing  and Environment Centre

C’ block, Vikas Bhavan

Phone – 0471-2301167

Mobile – 9446423153

Fax – 0471-2300624

E-mail – jane_mithra@yahoo.com

Click on the Link Given below to view a sample report of land converision /change detection  using Geoinformatics

REPORT

5) സ്ഥലത്തെ കാർഷിക വിളകളെക്കുറിച്ചുള്ള വിവരങ്ങൾ ഗൂഗിൾ എർത്തിൽ നിന്നും എങ്ങനെ അറിയാം?

കൃത്യമായി മാപ്പിൽ കാർഷിക വിളകളെയും അവയുടെ എണ്ണം, സാന്ദ്രത എന്നിവയും തിരിച്ചറിയുവാൻ പ്രായോഗിക പരിചയം മൂലം സാധിക്കുന്നതാണ്. വിളകളുടെ Canopy  ഇലയുടെ കളർ, അകലം, സ്ഥലത്തിന്റെ  elevation , നെൽവയൽ, കര എന്നിവയുടെ സ്ഥിതി ശ്രദ്ധിച്ച് മനസ്സിലാക്കുവാൻ സാധിക്കും. പ്ലോട്ടുകൾ സന്ദർശിച്ച് വിവിധ വിളകളുടെ കൃഷിയും satellite imageryയിൽ അതിന്റെ പ്രത്യേകതകളും നിരീക്ഷിച്ച് ഇതിൽ പ്രാവീണ്യം നേടാവുന്നതാണ്.

6) പ്രയോജനപ്പെടുന്ന വെബ്സൈറ്റുകളും മൊബൈൽ ആപ്പുകളും

  • To convert GPS Co-ordinates -Decimal degrees, degrees, minutes, decimal seconds, degrees, decimal minute

  • -GPS Co-ordinates converter

  • To find area of plot in Google Earth  –  KML shapes  earthpoint.us/shapes.aspx

  • draftlogic.com / project-Google- Maps- area-calculator- tool.html

  • www.gsmarena.com – for checking GPS/GLONASS/BDS related specification of mobile phone

    7) നെൽവയലുകളും നീർത്തടങ്ങളും സ്ഥായിയായി സംരക്ഷിക്കുന്നതിന് എന്തൊക്കെ ചെയ്യണം?

ഈ രംഗത്ത് ഇതുവരെ തുടരുന്ന പല നടപടികളും നിലപരിവർത്തനത്തിന്റെ കുറ്റം കൃഷിഓഫീസറുടെയും വില്ലേജ് ഓഫീസറുടെയും തലയിൽ ചാരി രക്ഷപ്പെടാനല്ലാതെ ഇതിന് നേതൃത്വം നൽകുന്ന ഭൂമാഫിയ രാഷ്ട്രീയ ഇടപെടലുകളെ ചെറുക്കുവാൻ പര്യാപ്തമല്ല. താഴെപ്പറയുന്ന നടപടികൾ സ്വീകരിച്ച് കേരളത്തിന്റെ ജല, ഭക്ഷ്യ സുരക്ഷ ഉറപ്പാക്കുവാൻ നെൽവയലുകളുടെയും നീർത്തടങ്ങളുടെയും സംരക്ഷണം ഉറപ്പാക്കേണ്ടതുണ്ട്.

  • നെൽവയൽ തണ്ണീർത്തട ഡാറ്റാബാങ്കിലെ മുഴുവൻ സ്ഥലവും ഉപഗ്രഹ സാങ്കേതികവിദ്യ ഉപയോഗിച്ച് ശാസ്ത്രീയമായി മാപ്പു ചെയ്ത് നെൽവയൽ തണ്ണീർത്തട മേഖലയായി പ്രഖ്യാപിക്കുക. ഈ സ്ഥലത്ത് ജലസേചന ജലനിർഗ്ഗമനത്തിനുള്ളവ ഒഴിച്ചുള്ള യാതൊരു നിർമ്മിതിയും അനുവദിക്കാതിരിക്കുക

  • നിലവിൽ 5 സെന്റ് സ്ഥലത്ത് വീടുവയ്ക്കുവാൻ അനുമതി നൽകുന്നതുൾപ്പെടെയുള്ള എല്ലാ നിർമ്മിതിയും നിയമം മൂലം തടയുക.

  • ഈ ഡാറ്റാബാങ്കിൽ ഉൾപ്പെടുന്ന സ്ഥലത്ത് വരുന്ന നിർമ്മിതികൾ നശിപ്പിച്ച് അതിനുവരുന്ന ചിലവ് നിലപരിവർത്തനത്തിന് കാരണമായവരുടെ കൈയിൽ നിന്നും ഈടാക്കുവാൻ നിയമനിർമ്മാണം നടത്തുകയും ഈ ചുമതല റവന്യൂ വകുപ്പിനെ എല്പിക്കുകയും ചെയ്യുക.

  • ഈ മേഖലയിൽ കൃഷിഭൂമിയുള്ള കൃഷിചെയ്യാത്ത കർഷകരുടെ ഭൂമി കൃഷിവകുപ്പിന് ഏറ്റെടുത്ത് കൃഷി ചെയ്യിക്കുവാൻ നിയമനിർമ്മാണം നടത്തുകയും കുടുംബശ്രീ, പാടശേഖരസമിതി എന്നിവയുടെ നേതൃത്വത്തിൽ ഇവിടെ കൃഷിയിറക്കുവാനുള്ള പദ്ധതികൾ ആവിഷ്കരിക്കുകയും വേണം.

  • കൃഷിഭവൻ ഉദ്യോഗസ്ഥർക്ക് ഭൂമാഫിയയുടെ പ്രവർത്തനങ്ങളെ ചെറുക്കുവാൻ കൂടുതൽ അടിസ്ഥാന സൗകര്യങ്ങൾ നൽകുക.

  • Click Here to View  Land Conversion / Change Detection -Example Using Google Earth Imagery

  •  How to use sketches as image overlay in google earth ?

    Click on the Link Given Below  To Download PDF Form of Article.

    Identification of Land Conversion Using Modern Geoinformatics Techniques

If you have any comments/suggestions or any better geo informatics techniques please feel free to post them below.

 

Events

Udhyogasthakoottayma
20 Mar 2016

Udhyogasthakoottayma

Udhyogasthakoottayma Third Sunday of Every Month 20 th  March 2016. From 9.30 am to 1 p...

Working Instructions of IT Schemes 2016-17

Floral Arts

mKisan Portal